سایر · شهریار
الله بویاغی
1
ایسلام اویاتدی خالق باشین قاوزایان قاچیر
شیطان باجارمادی کی , یاتانلار اویانماسین
2
هر رنگی آت , فقط بویان الله بویاغینا
هر آلدادان بویاقلارا قلبین بویانماسین
3
خالقین گوزون اویاردی شاهین میر غضبلری
قوی بیر اویولسون اوز گوزو تا گوز اویانماسین
4
تبلیغ او پایده گرک اولسون کی موددی
بیر نقطه سینده ضعفینه بارماق قویانماسین
5
الفازی موحکم ائتملی معنانی چوخ لطیف
سوزلر گرک سوغاندیسا , هر کس سویانماسین
6
...
اما زحمت ایله هوشلانان اولسا , اویانماسین
7
آغزیندا دادلی سوزلریوی سن ده (شهریار)
ائیله پیشیر کی , خالق دادیندان دویانماسین