موشتری

بو یولون یولچوسو اولاییم, دئرسن

الده ایکی قارپیز توتمالی دئگیل

درویش اولوب, شالوار گئیهیم, دئرسن

گاهی گئییب, گاهی آتمالی دئگیل

نامرد بابچاسیندا قونچه گول اولماز

کامیل ایله یولداش اولان یورولماز

ایکی مخلوق واردیر, حاقا قول اولماز

مبرورلوق, کیبیرلیک ائتمه لی دگیل

مبرورلار اورادا اولورلار یالان

کیبر ایمیش یورولوب یوللاردا قالان

اگر یولچو ایسن کورپونو دولان

گوز گوره چامورا باتمالی دگیل

قویون قوزوسونا ناسیل مله دی

اوکوزون قولابینا کیملر انه دی

قریب بولبول گول دالیندا تونه دی

هر چالی باشیندا اوتمه لی دگیل

شاه خطای ایمام جعفر موخبیری

حاقین یارانیدیر وئیسولقره نی

حاقین خزنه سیندن گلن گووهری

موشتری اولمادان ساتمالی دگیل