سرسری, گیرمه میدانا

سرسری, گیرمه میدانا,

عاشق, سندن یول ایسترلر.

قللاش ایله اوتورمادان,

ایمان اهلی, پول ایسترلر.

بو یولا گیرن اوتورماز,

حاق سوزه حیله قاتیلماز,

بوندا هئچ حیله ساتیلماز,

گووهریندن قول ایسترلر.

بیر قیلی مین پاره ائدر,

بو یولو ایختییار ائدر,

شاهیم بیر یول قورموش, گئدر,

یول ایچینده, یول ایسترلر.

شاه خطای دئر: نئیلرسن,

هر موشکولی حل ائیلرسن,

آریسان چیچک اییلرسن,

یارین سندن گول ایسترلر!