جان اولماز ایسه

جان اولماز ایسه، سن تکی جانان یئتر منه

وصلین بو خسته کونلومه درمان یئتر منه

هیجرون جفاسی ائیله یاخوبدور بو کونلومی،

هر شب قاپوندا، ناله و افغان یئتر منه

ظلمت ایچینده، آب حیات ایستمز کونول،

لعلون، زلا لی چشمه ی حیوان یئتر منه

زاهد! قووارایسن منی میخانه دن بو گون!

روز ازلده یار ایله پیمان یئتر منه

گر چی،"خطایی"، گئتدی الوندن وصا ل دوست،

هر دم خیا ل دیده ده مهمان یئتر منه

گئتدی اول دلبر، بسی درد و بلا قالدی منه،

نی بلا، بل کیم، یوکوش جور و جفا قالدی منه

مونجا گلدیم من گدایه هئچ عنایت قیلمادون،

ائشیگونده قالدوغیم دست دعا قالدی منه

مژده گلدی دلستانومدن کی، قتل اولدی رقیب،

شکر کیم، بیگانه گئتدی، آشنا قالدی منه

آنجه کوکب کیمی، یاش توکدی، غموندن گوز لریم،

یئر ایله، گوگ ایله، کیواندا باخا قالدی منه

ای "خطایی"! زولفو تک آریندی یوز دن زنگبار،

دلبر چین و ختن، خوب "ختا" قالدی منه